"ရောင်ခြည်တော်ဘွဲ့ ဘုရားပင့် ဂါထာ"

"ရောင်ခြည်တော်ဘွဲ့ ဘုရားပင့် ဂါထာ"

လယ်တီပဏ္ဍိတ ဆရာဦးမောင်ကြီး ရေး
ရောင်ခြည်တော်ဘွဲ့ ဘုရားပင့်

၁။ နီလာနီလာ နိစ္ဆရန္တိ
ပီတာ ပီတာစ ရံသီယော
လောဟိတာ လောဟိတာစာဘာ
သြဒါတောဒါတ ရံသိယော

၂။ တမှာတမှာစ မိဥ္ဇိဌာ
ပဘာသန္တိ ပဘဿရာ
ဧ၀ံဆဗ္ဗဏ္ဏရံသိယော
ဌာတုမေ ဘဂ၀ါသိရေ

၁။ ပဌာနံ - နက်နဲထူးဆန်း ပဌာန်းကျမ်းကို သမ္မသန္တဿ - အနုလုံပဋိလုံ အစုံအဆန် အဖန်ဖန်အထပ်ထပ်သုံးသပ်ဆင်ခြင်တော်မူသော ဘုရားရှင်ကိုယ်တော်မြတ်၏
(၁) နီလာ - ဆံတော်မုတ်ဆိတ်တော် မျက်ဝန်းတော်တခို စိမ်းညိုသော အရပ်ဌာနမှ နီလာ - ကြာညို ခွာညို ရတနာညိုကဲ့သို့ စိန်းတစိုစို မြသားလိုဖြင့် ညိုမှောင်သော ရောင်ခြည်တော်မြတ်တို့သည် နိစ္ဆရန္တိ - နေအထောင် လအထောင် ဗြဟ္မာနတ်အရောင် ရတနာ န၀ရတ်အရောင်တို့ကို ထိပ်ခေါင်ကာ လွှမ်းမိုး၍ ဖြိုးဖြိုးကြွယ်ကြွယ် အံ့သြဘွယ် အဆန်းတကြယ် ကွန့်မြူးတော်မူကြလေကုန်၏။
(၂) ပီတာစ - သိင်္ဂီရွှေလှော် အရေတော်မှလည်း ပီတာ - မဟာလှေကား ရွှေစကားနှင့် ရွှေသားရွှေရည် (ပြောင်ကြည်သစ်လင်း) ထိန်ကြည်သစ်လင်း ပပ၀င်းကုန်သော ရံသီယော - ၀ါရောင်ဝင်းလျှပ် ရောင်ခြည်တော်မြတ်တို့သည် နိစ္ဆရန္တိ - နေအထောင်လအထောင် ဗြဟ္မာနတ်အရောင် ရတနာ န၀ရတ်အရောင်တို့ကို ထပ်ခေါင်ကာလွှမ်းမိုး၍ ဖြိုးဖြိုးကြွယ်ကြွယ် အံ့သြဘွယ်လျှင် အဆန်းတကြယ် ကွန့်မြူးတော်မူကြလေကုန်၏။
(၃) လောဟိတာစ - အာတော် လျှာတော် နှုတ်ခမ်းတော်နှင့် ခြေဖ၀ါးတော် လက်ဖ၀ါးတော်စသော ကိုယ်တော်အစိတ်စိတ်တို့မှ လောဟိတာ - ခေါင်ရန်းနှင်းဆီ ကမ္ဗလာနီနှင့် ကြာနီအလား ပတ္တမြားအဆင်းရှိကြကုန်သော အာဘာ - နီရောင်ဝင်းလျှပ် ရောင်ခြည်တော်ဓာတ်တို့သည်
နိစ္ဆရန္တိ - နေအထောင်လအထောင် ဗြဟ္မာနတ်အရောင် ရတနာ န၀ရတ်အရောင်တို့ကို ထပ်ခေါင်ကာလွှမ်းမိုး၍ ဖြိုးဖြိုးကြွယ်ကြွယ် အံ့သြဘွယ်လျှင် အဆန်းတကြယ် ကွန့်မြူးတော်မူကြလေကုန်၏။
(၄) သြဒါတာ - စွယ်တော်သွားတော် မျက်ဖြူတော်အစုံ ဥဏ္ဏလုံခေါ် မွေရှင်တော်ဓား အလွန်ထူမြတ်သော အရပ်တော်တို့မှ သြဒါတရံသိယော - စပါယ် ကြက်ရုံး ဇွန်ပန်းကုံးနှင့် ငွေတုံးဘော်ဆိုင် စိန်ပန်းခိုင်အတူ ၀တ်လဲတော်ဘွဲ့ဖြူနှင့် ကြာဖြူပန်းအသွေးကဲ့သို့ ဖြူဖွေးစင်ကြယ်သော ရောင်ခြည်တော်ဓာတ်တို့သည်
နိစ္ဆရန္တိ - နေအထောင်လအထောင် ဗြဟ္မာနတ်အရောင် ရတနာ န၀ရတ်အရောင်တို့ကို ထပ်ခေါင်ကာလွှမ်းမိုး၍ ဖြိုးဖြိုးကြွယ်ကြွယ် အံ့သြဘွယ်လျှင် အဆန်းတကြယ် ကွန့်မြူးတော်မူကြလေကုန်၏။
တမှာတမှာ - အထက်ဆံဖျားတော် တလျှောက် အောက်ခြေဖ၀ါးတော် တခို ထိုထိုကိုယ်တော် အစိတ်မှ
(၅) မဉ္ဇိဌာစ - မရမ်းသွေးအရောင် ခရမ်းသွေးအရောင် တဝေေ၀ တပြောင်ပြောင် သပြေရောင်အဆင်းကဲ့သို့ ထိန်ဝင်းညိုမောင်းသော ရောင်ခြည်တော်မြတ်တို့သည် လည်းကောင်း
(၆) ပဘဿရာဓ - နတ်မီးအရောင် လျှပ်စီးအရောင် ရတနာမျိုးစုံအရောင် ကြာမျိုးစုံ အရောင် ထိန်ပြောင်ဝင်းလက် ကြက်လျှာပြန် စိန်ရောင်ထွက်သကဲ့သို့ ရိုးရိုးရက်ရက် ပြိုးပြိုးပြက်သော ရောင်ခြည်တော်မြတ်တို့သည် လည်းကောင်း
ပဘာသန္တိ - နေအထောင် လအထောင် ဗြဟ္မာနတ်အရောင် ရတနာ န၀ရတ်အရောင်တို့ကို ထိပ်ခေါင်က လွှမ်းမိုး၍ ဖြိုးဖြိုးကြွယ်ကြွယ် အံ့သြဘွယ်လျှင် အဆန်းတကြယ် ကွန့်မြူးတော်မူကြလေကုန်၏။
ဧ၀ံ - ဤသို့ ရောင်ခြည်ခြောက်သွယ် ဂုဏ်တော်အထူးကို ချီးကျူးဖွင့်ဆိုခဲ့သည့်အတိုင်း
ဆဗ္ဗဏ္ဏရံသိယော - အညိုတဖြာ အ၀ါတလီ အနီတဆူ အဖြူတကြောင်း အမောင်းတချက် ပြီးပြက်ငါးငါး ခြောက်ပါးရောင်ဆိုင် အပြိုင်ပြိုင်ကို စိုးပိုင်ရရှိတော်မူပေထသော
ဘဂ၀ါ - ဘုန်းတော်သရဖူ ဆောင်းတော်မူ၍ အောင်သူညွှတ်ရုံး အထွဋ်ဆုံးလည်း ဖြစ်တော်မူပေထသော ရှင်တော်မြတ်ဘုရားသည်
သော - ထိုသုံးလောကညွန့်ဖူး နိဗ္ဗာန်မှူးဖြစ်တော်မူသော ရှင်တော်မြတ်ဘုရားသည်
မေ - ပဌာန်းပစ္စည်း ဆက်သွယ်နည်းဖြင့် ဖွဲ့စည်းကလပ် ရုပ်နံဓာတ်ကို စွဲမှတ်သမုတ် အကျွုနုပ်၏
သိရေ - အမြတ်ဆုံးဟု မှတ်သုံးရည်စူး ဦးခေါင်းဦး၌
ဌာတု - ပဌာန်းညဏ်သွား ဈာန်ကစားလျှက် တန့်နားကိန်းဝပ်တော်မူလှည့်ပါ့ သုံးလောကကေသျှောင် ရွှေဘုန်းခေါင် ကိုယ်တော်မြတ်ကြီးဘုရား….

နိဗ္ဗာန်

နိဗ္ဗာန်

ဗုဒ္ဓဘာသာဝင်တိုင်း နိဗ္ဗာန်ကို ဆုတောင်းကြ၏။ ရလို ရောက်လိုကြ၏။ သို့သော် နိဗ္ဗာန်၏ သဘောကား အလွန်နက်နဲခက်ခဲလှပေ၏။ သိရှိဘို့ရန်လည်း အလွန်ခဲယဉ်းလှပေ၏။ ပုထုဇဉ်တို့၏ စိတ်သဘောနှင့်ကား အလွန်ဝေးကွာလှပေ၏။
သို့သော်လည်း အနုမာန မျက်ရမ်းဆိုသည့်အတိုင်း အရိယာတို့ ရအပ်သော သိအပ်သော စံစားအပ်သော နိဗ္ဗာန် နှင့် မဂ် ဖိုလ်ကို တတ်နိုင်သမျှ ရှင်းလင်းဦးအံ့။
နိဗ္ဗာန် ဆိုသည်မှာ မဂ်ဥာဏ် ဖိုလ်ဥာဏ် မဂ်ပညာ၊ ဖိုလ်ပညာတို့ဖြင့် သိအပ်ခံစားအပ်သော သဘောတရား တစ်ခု ဖြစ်ပါသည်။
( နိဗ္ဗာန ဟူသော ပါဠိပုဒ်မှ ဆင်းသက်ပြီး ခေါ်ဝေါ်နေခြင်း ဖြစ်ပါသည်။ နိ - ၀ါန ဟူသော ပုဒ်ကို ပါဠိသဒ္ဒါနည်း အရ သန္ဓိပုဒ်ဖြင့် နိဗ္ဗာန ဖြစ်သည်။)
နိ - နိက္ခန္တ ထွက်မြောက်ခြင်း
ဝါန - မြှေးရှက်ချုပ်နှောင်ထားသော တဏှာမှ ထွက်မြောက်ခြင်း၊ လွတ်မြောက်ခြင်းကို နိဗ္ဗာန်ဟု ခေါ်ဆိုပါသည်။
တနည်းအားဖြင့် သန္တိသုခ - အစဉ်အေးငြိမ်းချမ်းသာနေသော သဘောတရား ရုပ်+နာမ် သဘောတို့ ချုပ်ငြိမ်းပြီး အိုခြင်းကင်းရာ နာခြင်းကင်းရာ သေခြင်းကင်းရာ ဖြစ်သော အစဉ်အမြဲ အေးငြိမ်းချမ်းသာနေသော သဘောတရားကို သန္တိသုခ - နိဗ္ဗာန်ချမ်းသာဟု ခေါ်ပါသည်။
ပုထုဇဉ်တို့ခံစားအပ်သော ဝေဒယိတ သုခမှာ အကောင်းအဆိုး ဆင်းရဲ ချမ်းသာ အပူအအေးတို့ကို ကြံတွေးပြီးလျှင် သုခချမ်းသာဟု ထင်မှတ်နေခြင်း ဖြစ်ပါသည်။
ရုပ် နာမ် ချုပ်ငြိမ်းမှု သန္တိသုခကို ပုထုဇဉ်တို့ မခံစားကြရပါ။ အဘယ်ကြောင့်နည်း? ရုပ်နာမ်တရားတို့အပေါ်၌ ခင်မင်တွယ်တာမှု လောဘတရား (၀ါ) လိုခြင်မှု တပ်မက်မှု နှစ်သက်မှု စွဲလမ်းမှုတို့ မကင်းခြင်းကြောင့် နိဗ္ဗာန်ကို မရခြင်း နိဗ္ဗာန်သဘောကို မသိခြင်း မရခြင်း မခံစားရခြင်း ဖြစ်ပါသည်။
အကြင်ပုဂ္ဂိုလ်သည် ကုသိုလ်ကောင်းမှု ပါရမီ ဓာတ်ခံ ပွားများပြည့်စုံလာအံ့။ ထိုပုဂ္ဂိုလ်သည် တိဟိတ် ပဋိသန္ဓေ - ဥာဏ်ပညာ ထက်မြတ်သော ပုဂ္ဂိုလ်ဖြစ်ပြီးလျှင် သောတာပတ္တိ မဂ်ဥာဏ် ဖိုလ်ဥာဏ် + သကဒါဂါမ် - မဂ်ဥာဏ် ဖိုလ်ဥာဏ်၊ အနာဂါမိ မဂ်ဥာဏ် ဖိုလ်ဥာဏ်၊ အရဟတ္တ မဂ်ဥာဏ် ဖိုလ်ဥာဏ်တို့ကို ပွားများ အားထုပ်ရရှိအံ့။ ထိုပုဂ္ဂိုလ်တို့သည် မဂ်ပုဂ္ဂိုလ်၊ ဖိုလ်ပုဂ္ဂိုလ် အရိယာပုဂ္ဂိုလ် ရှစ်ယောက်ဖြစ်ပြီးလျှင် နိဗ္ဗာန်ချမ်းသာကို လက်ဝါးပေါ်မှာ တင်ပြထားသော ပတ္တမြား ရတနာကို လက်တွေ့မျက်တွေ့ သိရှိခံစားရလတ္တံ့။ မျက်ကွယ်မဟုတ် - မျက်မှောက်ပြုရလတ္တံ့။ (သေသော်၏ အခြားမဲ့၌ ပရိနိဗ္ဗာန်ပြုသည်၏ အခြားမဲ့၌ တဖန် ဘ၀သစ်ပြန်၍ မဖြစ်သော အစဉ်ထာဝရ အေးငြိမ်း၍နေသော သန္တိသုခ နိဗ္ဗာန ဓာတ်သဘောဖြင့် ၀င်စံခိုလှုံရလေတော့၏။
ဤသည်တို့ကို ရည်ရွယ်မှန်းထားပြီးလျှင် ဗုဒ္ဓဘာသာဝင်တိုင်း မဂ်လေးပါး ဖိုလ်လေးပါး နိဗ္ဗာန်ချမ်းသာ တရားတော်မြတ်ကို ရရ ရောက်ရ မျက်မှောက်ပြုရပါလို၏ ဟု ဆုတောင်းပတ္တနာ ပြုခြင်းဖြစ်ပါသတည်း။


ဤသည်လျှင် သြကာသ၏ အဓိပ္ပါယ်ပြီးဆုံး ပြည့်စုံလောက်ပါပြီ။ ကျန်ရှိနေသော ပူဇော်သက္ကာရမှုတို့၏ အနက်အဓိပ္ပါယ်တို့ကို ကျယ်ဝန်းမည်စိုး၍ မရေးတော့ပါ။ သိလိုပါက မှီကမ်းသော ဆရာသမားများ ဗဟုသုတ ကျမ်းစာအုပ်များကို ရှုကြည့်ကြပါလေ…

“ဆုတောင်းပုံ”

“ဆုတောင်းပုံ”

ထိုရတနာသုံးပါးကို ရှိခိုးကန်တော့ရသော အကျိုးကြောင့် အောက်ဖော်ပြပါ မကောင်းသော အပြစ်တို့မှ ကင်းလွတ်စိတ် ဆန္ဒ အာသီသဖြင့် ဆုပတ္ထနာ ပြုပါသည်။
(က) အပါယ်လေးပါး
၁။ ငရဲဘုံ - ကိုယ်စိတ်နှစ်ပါးလုံး အမြဲမပြတ် ဆင်းရဲနှိပ်စက်ခံနေရသောဘုံ ( မဟာပထ၀ီ မြေကြီး၏ အောက်ထပ်မှာ ရှိသည်။)
၂။ တိရစ္ဆာန်ဘုံ - လူပြည်မှာ တစပ်တည်းသွားလာလှုပ်ရှား ခံစားနေရသော မျက်မြင် တိရစ္ဆာန်များ။
၃။ ပြိတ္တာဘုံ - လူပြည်နှင့် တစပ်တည်းပင် အမြဲမပြတ် ငတ်မွတ်ဆင်းရဲနေရသောဘုံ။
၎။ အသူရကယ်ဘုံ - နေ့မှာ ခွေးစားခံရ၍ ညမှာ နတ်ဘုံနတ်နန်းနှင့် နေရသောဘုံ ( ပင်လယ်ကမ်းခြေမှာ နေရသည်ဟု ဆိုသည်။)

(ခ) ကပ် (၃) ပါး

၁။ ငတ်မွတ်ခေါင်းပါး၍ သေကြေပျက်စီးသော ပုဂ္ဂိုလ် အချိန်ကာလများကို ဒုဗ္ဘိက္ခန္တရကပ် ဟု ခေါ်သည်။
၂။ ဓါး လက်နက် သေနတ် အစရှိသည်တို့ကြောင့် သေကြေပျက်စီးခြင်းကို သတ္ထန္တရကပ် ဟု ခေါ်သည်။
၃။ အဖျားအနာရောဂါများ ထူပြော၍ သေကြေပျက်စီးကြသည်ကို ရောဂန္တရကပ်ဟု ခေါ်ပါသည်။

လူ့ပြည်မှာ လူတို့ လောဘ၊ ဒေါသ၊ မောဟ ကြီးမားသည့်အခါ ၎င်းကပ်ကြီး (၃) ပါး ဆိုက်ရောက်တတ်၏။
ထို့ကြောင့် လူတို့လောဘကြီးလွန်းကလျှင် ဒုဗ္ဘိက္ခဘေး - ငတ်မွတ်ရေးကြောင့် မရိုးဖွေးတောင်မျှ ပျက်စီးကြ၏။
လူတို့ဒေါသ ကြီးလွန်းကလည်း သတ္ထန္တဘေး - သတ်ဖြတ်ရေးကြောင့် ရိုးဖွေးတောင်မျှ ပျက်စီးကြ၏။
လူတို့မောဟ ကြီးလွန်းကလည်း ရောဂန္တဘေး - ဖျားနာရေးကြောင့် ရိုးဖွေးတောင်မျှ ပျက်စီးကြ၏။ (မဃဒေ၀ အလင်္ကာ)

(ဂ) ရပ်ပြစ်ရှစ်ပါး
၁။ ငရဲဘုံ
၂။ တိရစ္ဆာန်ဘုံ
၃။ ပြိတ္တာဘုံ - အသူရကယ်
၎။ ဘုရားပွင့်သောအခါ အသက်ရှည်သော နတ်ဗြဟ္မာ ဖြစ်နေရခြင်း
၅။ ဗုဒ္ဓသာသနာ မရှိသော ပစ္စန္တရဇ်အရပ်
၆။ မိစ္ဆာဒိဌိ - မှားသောအယူရှိခြင်း
၇။ ဘုရားနှင့်တွေ့ကြုံသော်လည်း ဘယ်လိုပင်တရားဟောဟော အသိဥာဏ်ကင်းမဲ့သော (သုဂတိအဟိတ် ဒွိဟိတ်) ပုဂ္ဂိုလ်ဖြစ်ရခြင်း
၈။ ဥာဏ်ပညာရှိသော (တိဟိတ်) ပုဂ္ဂိုလ် ဖြစ်လင့်ကစား ဘုရားသာသနာနှင့် မတွေ့ဆုံရခြင်း
ဤသည်တို့ကား ရပ်ပြစ်ရှစ်ပါး ဖြစ်ပါသည်။
(ပြိတ္တာ နှင့် အသူရကယ်ကို သဘောတူညီသည့် လက္ခဏာဖြစ်၍ (၃) နံပါတ်မှာ တစ်ခုဘဲ ကောက်ယူရပါသည်။
ဤအရပ် ဤဘုံ ဤဌာန ရှစ်ပါးကား နိဗ္ဗာန်ကို မရနိုင် မရောက်နိုင်သော အပြစ်ဖြစ်ပါသည်။
ဆောင်ပုဒ်။ ။ ဘုရားဖြစ်ခါ ပါယ် (၃) ရွာနှင့် ဒီဃာယုနတ် ဖြစ်လပ်ပစ္စန် မိစ္ဆာဥာဏ်ရှိ ဥာဏ်မရှိသား ဥာဏ်ရှိညားလည်း ဘုရားမဖြစ် ဟောဖော်လှစ်သည် ရပ်ပြစ်ရှစ်ပါး သရုပ်တည်း……….

(ဃ) ရန်သူမျိုးငါးပါး
၁။ ရေ
၂။ မီး
၃။ မင်း
၎။ ခိုးသူ
၅။ မချစ်နှစ်သောသူ
ဆောင်ပုဒ်။ ။ ရေ + မီး + မင်း + ခိုး၊ မချစ်နိုး၊ ငါးမျိုးရန်သူပ…

(င) ၀ိပ္ပတ္တိတရား (၄)ပါး
၁။ ကာလ၀ိပ္ပတ္တိ
၂။ ဥပဓိဝိပ္ပတ္တိ
၃။ ဒိဌိဝိပ္ပတ္တိ
၎။ ပယောဂ၀ိပ္ပတ္တိ - ပျက်စီးမှု လေးပါး

၁။ ကာလ၀ိပ္ပတ္တိ ဟူသည်ကား လူများ အကျင့်စာရိတ္တ ပျက်နေသော အချိန်ကာလ၊ အုပ်ချုပ်သော မင်းများပျက်စီးနေသော အချိန်ကာလကို ခေါ်ပါသည်။
၂။ ဥပဓိဝိပ္ပတ္တိ ဟူသည်ကား လူဖြစ်ပါလည်း ကိုယ်လက်အင်္ဂါ ချို့ယွင်း ပျက်စီးခြင်းကို ခေါ်ပါသည်။
၃။ ဒိဌိဝိပ္ပတ္တိ ဟူသည်ကား အယူဖောက်ပြန် ပျက်စီးခြင်းကို ခေါ်ပါသည်။
၎။ ပယောဂ၀ိပ္ပတ္တိ ဟူသည်ကား ကိုယ်ကျင့်သီလပျက်စီးမှုကို ဆိုပါသည်။

(စ) ဗျဿနတရား (၅)ပါး
၁။ ညာတိဗျဿန
၂။ ဘောဂဗျဿန
၃။ ရောဂဗျဿန
၎။ သီလဗျဿန
၅။ ဒိဌိဗျဿန

၁။ ညာတိဗျဿန - အဆွေအမျိုးတို့ ပျက်စီးခြင်း
၂။ ဘောဂဗျဿန - စည်းစိမ်ဥစ္စာ ရတနာတို့၏ ပျက်စီးခြင်း
၃။ ရောဂဗျဿန - အနာရောဂါ ဖိစီးနှိပ်စက်၍ ပျက်စီးခြင်း
၎။ သီလဗျဿန - အကျင့်သီလ စာရိတ္တ ပျက်စီးခြင်း
၅။ ဒိဌိဗျဿန - အယူဝါဒ ပျက်စီးခြင်း
ဆောင်ပုဒ်။ ။ညာတိ ဘောဂ ရောဂါ သီလ ဒိဌိပ ငါးဝပျက်စီးခြင်း

ဝိပ္ပတ္တိ နှင့် ဗျဿနတို့မှာ သံတူကြောင်းကွဲ အဓိပ္ပါယ် အတူတူပင် တိုက်ရိုက်အနက်ပြန်သော် ၀ိပ္ပတ္တိ - ယိုယွင်းမှု၊ ချို့ယွင်းမှု။ ဗျဿန - ပျက်စီးမှု ဖြစ်ပါသည်။
ဤသို့လျှင် ရှိခိုးပူဇော်ခြင်း၏ တည်ရာဖြစ်သော ရတနာသုံးပါးကို ခွင့်တောင်းပြီးလျှင် ဗုဒ္ဓဘာသာဝင်တိုင်း ကနဦးအစ သြကာသ ဆိုပြီးလျှင် အပြစ်ခပ်သိမ်းမှ ကင်းပျောက်၍ အဆုံးဘ၀ နိဗ္ဗာန်ရောက်ရန်အထိ ဆုတောင်းကန်တော့ကြပါသည်။

ငါးပါးသီလ ခံယူဆောက်တည်ပုံ

ငါးပါးသီလ ခံယူဆောက်တည်ပုံ

သြကာသ သြကာသ သြကာသ ကာယကံ ၀စီကံ မနောကံ တည်းဟူသော ကံသုံးပါးတို့တွင် တပါးပါးသော ကံဖြင့် ပြစ်မှားမိသည်ရှိသော် ထိုအပြစ်တို့ကို ပျောက်ပါလိုသောကြောင့် ပျောက်ပါစေခြင်း အကျိုးငှာ ပထမ ဒုတိယ တတိယ တစ်ကြိမ် နှစ်ကြိမ် သုံးကြိမ်မြောက်အောင် ဘုရားရတနာ၊ တရားရတနာ၊ သံဃာရတနာ ရတနာမြတ်သုံးပါး အပေါင်းကို ဘုရားတပည့်တော် လက်အုပ်မိုး၍ ရှိခိုးကန်တော့ပါ၏ အရှင်ဘုရား..
ကန်တော့ရသော အကျိုးအားကြောင့် အပါယ်လေးပါး ကပ်သုံးပါး ရပ်ပြစ်ရှစ်ပါး ရန်သူမျိုးငါးပါး ၀ိပတ္တိတရားလေးပါး ဗျဿနတရား ငါးပါး
တို့မှ အခါခပ်သိမ်း ကင်းလွတ်ငြိမ်းသည်ဖြစ်၍ အဆုံးဘ၀၌ မဂ်တရား ဖိုလ်တရား နိဗ္ဗာန်ချမ်းသာ တရားတော်မြတ်ကို ရရ ရောက်ရ မျက်မှောက်ပြုရပါလို၏ အရှင်ဘုရား…
အဟံဘန္တေ တိသရဏေန သဟ ပဉ္စသီလံ ဓမ္မံ ယာစာမိ အနုဂ္ဂဟံ ကတွာ သီလံဒေထ မေဘန္တေ
ဒုတိယမ္ပိ အဟံဘန္တေ တိသရဏေန သဟ ပဉ္စသီလံ ဓမ္မံ ယာစာမိ အနုဂ္ဂဟံ ကတွာ သီလံဒေထ မေဘန္တေ
တတိယမ္ပိ အဟံဘန္တေ တိသရဏေန သဟ ပဉ္စသီလံ ဓမ္မံ ယာစာမိ အနုဂ္ဂဟံ ကတွာ သီလံဒေထ မေဘန္တေ
(အာမ ဘန္တေ္တပါဘုရား)
နမောတဿ ဘဂ၀တော အရဟတော သမ္မာ သမ္ဗုဒ္ဓဿ
(၃) ခေါက်ဆိုရန်
ဗုဒ္ဓ သရဏံ ဂစ္ဆာမိ
ဓမ္မံ သရဏံ ဂစ္ဆာမိ
သံဃံ သရဏံ ဂစ္ဆာမိ
ဒုတိယမ္ပိ ဗုဒ္ဓ သရဏံ ဂစ္ဆာမိ
ဓမ္မံ သရဏံ ဂစ္ဆာမိ
သံဃံ သရဏံ ဂစ္ဆာမိ
တတိယမ္ပိ ဗုဒ္ဓ သရဏံ ဂစ္ဆာမိ
ဓမ္မံ သရဏံ ဂစ္ဆာမိ
သံဃံ သရဏံ ဂစ္ဆာမိ
(အာမ ဘန္တေ္တပါဘုရား)

၁။ ပါဏာတိပါတာ ဝေရမဏိ
၂။ အဒိန္နာ ဒါနာ ဝေရမဏိ
၃။ ကာမေသု မိစ္ဆာစာရာဝေရမဏိ
၎။ မုသာဝါဒါ ဝေရမဏိ
၅။ သုရာမေရယ မဇ္ဈပမာဒဌာနာ ဝေရမဏိ

(အာမ ဘန္တေ္တပါဘုရား)

ဗုဒ္ဓဘာသာ ထုံးတမ်းစဉ်လာအရ ကောင်းမှု ကုသိုလ် တစ်ခုခုပြုတိုင်း သီလကို အရင်ပထမ ဆောက်တည်ရပါသည်။ အဘယ်ကြောင့် အလှူပေးတဲ့နေရာ ဖြစ်စေ၊ ဘာဝနာ ကုသိုလ် လုပ်တဲ့နေရာမှာဖြစ်စေ ရှေးဦးစွာ ကိုယ်ကျင့်တရား သီလတရား စင်ကြယ်နေမှ အကျိုးထိရောက်မှု ရှိသည်။ သီလပျက်ပြား၍ ယုတ်မာညစ်ညမ်းစွာနှင့် ပြုလုပ်သော ကုသိုလ်ကောင်းမှုသည် အကျိုးတရား မများလှပေ။ ထို့ကြောင့် ရှေးဦးစွာ သီလကို ဆောက်တည် ကျင့်သုံးကြရပါသည်။
ယခုဆောက်တည်အပ်သော ငါးပါးသီလကို လူတို့လေးစားအပ်သောကြောင့် ဂရုဓမ္မ သီလ ဟူ၍ ခေါ်သည်။
နောက်တခုက လူတို့ကိုယ်မှာ အမြဲဝတ်ဆင်ထားသော ပုဆိုး ထမီကဲ့သို့ အမြဲ စောင့်ရှောက် ပြုကျင့်အပ်သော သီလဖြစ်ခြင်းကြောင့် နိစ္စသီလ ဟူ၍လည်း ခေါ်ပါသည်။

“အဓိပ္ပါယ် ဖော်ပြချက်”

သြကာသ - ဟူသော အဓိပ္ပါယ်မှာ တည်ရာ မှီရာဟု အနက်သဘောရပါသည်။
ရှိခိုးခြင်း၏ တည်ရာ မြတ်နိုးခြင်း၏တည်ရာ ပူဇော်ခြင်း၏ တည်ရာဖြစ်တော်မူသော ဘုရား၊ တရား၊ သံဃာ ရတနာသုံးပါးအား တိုင်တည်ဆိုလိုက်ခြင်း ဖြစ်ပါသည်။
ထိုရတနာမြတ်သုံးပါးတို့အား ကာယကံ - ကိုယ်ဖြင့်ပြစ်မှားမှု၊ ၀စီကံ - နှုတ်ဖြင့် ပြစ်မှားမှု၊ မနောကံ - စိတ်ဖြင့်ပြစ်မှားမှု။ ထိုအပြစ်တို့ကို ပျောက်ပါစေခြင်း အကျိုးငှာ တစ်ကြိမ် နှစ်ကြိမ် သုံးကြိမ်တိုင်အောင် လက်စုံမိုး၍ ရှိခိုးကန်တော့ခြင်း ဖြစ်ပါသည်။